بعض الشياطين تحاول إقناعنا بأنهم ملائكة، تجلس بجانبنا و تساعدنا حتى نصبح مثلها يوماً ما.
______________________
(الفصل الخامس)
بعد شوية أدتلي العنوان و أخدت منى و روحنا للمكان الي في الورقة
لما خبطت على الباب فتحتلي بنت في سني تقريباً
_السلام عليكم
_و عليكم السلام مين حضرتك!!
_أنا جارتكوا في العمارة القديمة
_بس أنا عمري ما شوفتك !
_هاا ااة ما أنا جيت بعد ما عزلتوا، كنت عايزة أكلم مدام عبير و أستاذ مجدي بعد أذنك
_أتفضلي
_ أزيك يا منى و أهلاً بحضرتِك منورانا
_أهلاً يا أستاذ مجدي أومال فين مدام عبير
_جاية أهية بس حضرتك مين؟
_أنا مروى عايشة في الشقة الي جمبكوا بعد ما عزلتوا علطول
_شقة نور
_لا شقة منى
_ااة طب أنا أسف بس أية سر الزيارة
_نور
_مالها !!
_بشوفها
_أعوذ بالله من الشيطان الرجيم بتشوفي نور أزاي
_أزيك يا مدام
_بتشوفيها أزاي يا بنتي
_بتظهرلي بقالها فترة هي روح بس أقدر أقول إن أعصابي باظت و عشان روحها ترتاح لازم أعرف مين الي قتلها
_أنتِ عرفتي قصتها منين
_من كلة أصراحة أنا سمعت كل الناس و بدور ورا الحقيقة أكتشفت أنهاردة إنك كنتي ساكنة في العمارة بس عزلتي بعد الحادثة بفترة
_ااة فعلاً
_طب ممكن أعرف السبب
_أسباب شخصية
_أقل حاجة هتفيدني عشان ألاقي الي قتلها فياريت تساعديني
_مفيش حاجة أقولها
_يعني يوم الحادثة مسمعتيش حاجة مشوفتيش حاجة !!
_لا أنا طلعت لما الناس أتلمت في الشقة
_أستاذ مجدي ياريت تقنع المدام إنها تساعدني أنا متأكدة أنكوا سمعتوا صريخ على الأقل أو شوفتوا حاجة تفيدنا
أستاذ مجدي بص لمدام عبير و سكت
_طيب بما أنكوا مش عايزين تتكلموا فانا ممكن أكلم منى قالتلي إن نور كانت بتلجألكوا دايماً لما خالها يضربها و كانت بتعتبرك مامتها و بناتك أخواتها يعني حاولي تفتكريلها الحلو عشان روحها ترتاح
مدام عبير ابتدت تعيط و قالت
_من يوم ما ماتت و مسابتنيش مرة واحدة علطول جمبي أنا مخوفتش منها لأنها كانت علطول مبتسمة و بتطبطب عليا و كانت بتجيلي في الحلم كمان مرافقاني في كل حتة و أنا لغايت دلوقتي بحبها زيي بنتي و ربنا شاهد على دة
_كلامك هيساعدني والله أنا عايزة أخليها ترتاح في تربتها، هي بتظهرلك بشكل حلو بس هي بترعبني بتظهرلي بفستان فرح علية دم و علطول غضبانة، ساعديها
_فستان فرح!كان بتاع مامتها أيوة قبل ما تموت قالتلي هلبسة لما أبتدي حياة جديدة بس خايفة ليتملي حزن و كئابة و أفضل محبوسة في العالم دة، الدم دليل على الحزن الي هي فية
كانت بتعيط بأنهيار
_لو مش هتقدري تكملي أنا هجيلك بكرا
_معلشي يا بنتي تعاليلها بكرا لأنك شايفة حالتها و هي عندها القلب و مش هتستحمل
_ماشي أنا اسفة جداً مكنتش أعرف
_ولا يهمك يا بنتي
قبل ما نخرج من باب الشقة مدام عبير نادت على منى
_منى
_أيوة يا طنط
_نور كانت بتحبك اووي بتقولك أفتكريها دايماً و قوليلها على السر
_سر أية؟
_السر الي حلفتك ما تقولية قبل ما تجيب حقها
مكنتش فاهمة هي بتقولها على أية بس واضح إن منى كانت ناسية و أفتكرت، بصتلي بأضطراب و ساعتها فهمت إن فية حاجة لسة معرفهاش و أحتمال تحل جزء
منى روحت و أتفقت معايا إننا نتكلم بليل في حاجة ضروري، طلعت لعمرو أخو خالد
_مروى أزيك
_الحمدلله
_تعالي ماما جوا
_لا شكراً أنا بس محتاجاك في خدمة
_أؤمري
_الامر لله عايزة ملف القضية و طبعاً أنت عارف مينفعش حد غريب ياخدة من القسم
_بس دة عدي علية سنين هجيبة أزاي!
_اكيد حد هيدلك جوا القسم المهم إنك تبقي معايا
_ماشي نروح دلوقتي
_معنديش مانع
روحنا القسم و بعد تعب قدرنا نبص على الملف و صورتة بتليفوني و بعدين عمرو عزمني في كافية
_أنتِ مهتمة بنور أوي كدة لية أنا بحسب إن كلها يومين و مش هتدوري تاني
_ظهورها ليا بالشكل دة و إنها تدلني على حاجات كتير جداً و تساعدني كمان يبقة اكيد أختارتني
_طب لية مش حد تاني مثلا رضوى أو نرمين مش قولتي إنها ظهرتلها
_هي بتظهر لكلة بس أنا أكتر واحدة فيهم و معرفش أختارتني لية بس أنا هساعدها عشان هي أتظلمت كتير جداً ولازم حقها يرجع
_كل شوية بتعلي في نظري
_أحم طب نشوف الي في الملف بقة
_ماشي
فضلنا نتناقش على الي مكتوب و بعد شوية
_هما أزاي قفلوا القضية بالشكل دة أنا مش فاهمة
_يا مروى القضية معقدة و فيها حاجات كتير غريبة و واضح جداً إن فية حاجة غلط
_شغلتهم إنهم يمسكوا القاتل مش يقولوا إنها أنتحرت علطول
_البصمات أثبتت دة و إن خالد خبطها بس دة مأداش لوفاتها فالحكم أتخفف عنة
_بس أزاي هتقطع أيديها بالشكل دة
_معرفش، ما نروح لخالد ممكن يساعدنا
_روحتله
_أية !
_ااة روحتلة ما أنا مسبتش أي حاجة غير لما فضلت أدور عنها
_ قالك أية
_قال إن كل دة حصل غصب عنه
_أزاي دة
_تقي حاولت تخبطة بس هو كان بيدافع عن نفسه و حس إنها بتوجهة السكينة نحيتها و خبطت نفسها و بعدين وقعت على الارض و خالد لف عشان يشوف نور الي كانت بتعيط بس لقى تقى بتزوقة على نور و السكينة كانت في أيدة جت في بطنها و بعديها جري برا عشان حد يلحقها ولما طلع الناس كانت ملمومة و نور كانت مقطعة شراينها
_….!!!!!!!!!!
_دة اللي حكهولي
_أزاي كلمك أصلا أنا سألت خالد كتير جداً و مكلمنيش
_قولتلة إني بشوف نور فحاول أنة يساعدني
_أنتِ مصدقاة
_مش عارفة بس كلامة هو و تقى عكس بعض تماماً
_تقى قالتلك أية
_قالت إن !صحيح هي طنط أول ما قابلتها قالتلي إن تقى ماتت و أنت كلامك بعديها فهمني أنها عايشة أزاي طنط متعرفش
_ مكنتش حابب إن تقى تواجهها و تقولها على الي حصل لأن ماما كل دة عارفة إن خالد بيتعالج بس إنما متعرفش أنة في نفس الوقت كان محبوس و لو أتعالج هيقضي الباقي في السجن عقبال ما المدة تخلص
_بس هو قضي أكتر من فترة عقوبتة
_ااة لأنة لسة متعالجش و لسة شايفين أنه مجنون
_طب ما تخرجوة يعني أية الي مانعكوا
_ماما عندها أمل أنه هيتعالج و خالد مش راضي يرجع البيت اصلا فحابب المستشفي
_…
_قوليلي بقة تقى قالت أية
_قالت إن خالد خبطها غصب عنه بس كان يقصد لما خبط نور في بطنها و مسكها السكينة عشان البصمات و كمان قالت إنه قطع شراينها و بعدين جري
_أزاي!يعني خالد الي خبط تقى طب مش هي قالت في التحقيق إن فية واحد مجهول هو الي خبطها و كمان هو الي قتل نور!مستحيل ما هو خبطها بالسكينة لية يعمل فيها كدة
_كانت بتدافع عن خالد عشان هو خد حكم في نور و كمان دخل المستشفي فأضطرت تكدب و لو غيرت فكرة الانتحار دية في التحقيق كان خالد أتعدم
_بس هي كدبت في دية مش هتكدب في الباقي؟
_تقصد أية
_يعني تقى وراها حاجة
_ما يا خالد الي بيكدب يا تقى و أنا مبقتش فاهمة
_ولا أنا
_يلا نمشي
بعد ما روحت لقيت منى داخلة الاوضة
_قولت لازم أستناكي
_كنت هجيلك اصلاً بس أنتِ سبقتيني
_طب كويس اا كنت عايزة ااا
_قولي السر يا منى الموضوع مش مستاهل
_محدش يعرف غيري أنا و نور معرفش أزاي وافقت على دة دلوقتي بس أكيد الموضوع هيفيدك، عم عبدالله بيحب الفلوس بس في نفس الوقت كان بينتقم من نور
_بينتقم !أزاي دية بنت أختة
_أبو نور كان متجوز في السر و نور شافتهم مع بعض في كافية و فضلت ساكتة عشان متجرحش مامتها و كانت بتحاول تقنع باباها بس بعدين ماتوا و بالصدفة لقت نفس صورة الست في دولاب خالها و بعديها فهمت إن خالها كان ناوي يتجوزها باين و قال لباباها بس واضح إنهم حبوا بعض و طبعاً خالها أتجنن و ملحقش ياخد حقة من باباها بس هي كانت شاكة في حاجة
_أية
_شاكة إن هو الي بوظ العربية عشان يموت باباها
_هيموت أختة!!
_ممكن مكنش يعرف إنها هتركب معاة في اليوم دة بس فرامل العربية كانت بايظة فلازم تشك فية
_طب هي اتأكدت !!
_ملقتش دليل بس كراهية خالها ليها دة أكبر دليل
_طب مشوفتيش الخاتم دة قبل كدة
_جبتي الصورة دية منين
_الخاتم دة كان موجود جمب نور يوم ما ماتت الصورة دية كانت في ملف القضية
_الخاتم دة أنا شوفتة قبل كدة بس معرفش فين بس متأكدة إني شوفتة
_صاحبه أكيد قريب و نعرفه كمان لما تفتكري أبقي قوليلي
